Amakuru aturuka muri Repubulika ya Demokarasi ya Congo, ataremezwa n’urwego urwo ari rwo rwose rubifitiye ububasha, aravuga ko Igisirikare cya FARDC cyakiriye indege 3 zitagira abapilote zigezweho zikorerwa muri Turkiya.
Izi ni indege zitagira abadereva zo mu bwoko bwa Bayraktar AKINCI zishobora kwikorera ibisasu byinshi, birimo misile zo mu bwako bwa “cruise missiles” n’ibisasu bikoreshwa n’ikoranabuhanga rya AI, mu bikorwa byo kugaba ibitero ku butaka nta kosa.
Iyi drone ifite ubushobozi bwo kwikorera ibiro bigera ku 1.350 by’ibisasu, birimo ibisasu biyoborwa na “laser”, misile nto zo mu bwoko bwa “cruise missiles”, ndetse na misile zikoreshwa mu kurasana mu kirere.
Igira kandi camera zifatwa nk’amaso agezweho y’ikoranabuhanga akorana na mudasobwa ebyiri zikoresha ikoranabuhanga rta AI na “radars” ziteye imbere, kandi ishobora kugenzurirwa kure hakoreshejwe satellite (SATCOM) mu bikorwa bya gisirikare bibera kure cyane!
