Urukiko Rwisumbuye rwa Gasabo muri iki cyumweru rwasomye urubanza Ubushinjacyaha bwaregagamo umugore w’imyaka 45 y’amavuko wari ukurikiranweho kwica umugabo we amunigishije igitambaro nk’uko bitangazwa n’Ubushinjacyaha Bukuru.
Icyaha cyakozwe ku itariki ya 30 Mata 2026 ahagana saa tatu z’ijoro mu Karere ka Bugesera, Umurenge wa Rilima, Akagari ka Nyabagendwa, Umudugudu wa Mukoma ubwo umugabo we bamusangaga ku buriri iwe mu rugo yapfuye aziritse igitambaro mu ijosi.
Urukiko rukaba rwahamije icyaha cy’Ubwicanyi uregwa rumuhanisha igifungo cya Burundu hashingiwe ku ngingo ya 107 y’Itegeko n°68/2018 ryo ku wa 30/08/2018 riteganya ibyaha n’ibihano muri rusange.
