Kuri iki Cyumweru, itariki ya 30 Kanama 2026, i Ankara, Abanyarwanda bane (Byiringiro Arnauld, Cyizere Prince, Mbanzabugabo Daniel, na Mugabe Robert) basoje amasomo mu mu mashuri makuru, irya gisirikare n’iry’igisirikare cyo mu Kirere ya Kaminuza y’Igihugu ya Gisirikare muri Turkiya.
Nk’uko tubikesha Ambasade y’u Rwanda, aba bahawe ipeti rya Sous-Lieutenant na Perezida wa Repubulika ya Turkiya, Recep Tayyip Erdoğan. Ibirori byo gusoza amasomo byitabiriwe na Ambasaderi w’u Rwanda muri Turkiya, Charles Kayonga, hamwe n’Umujyanama ushinzwe ibya Gisirikare muri Ambasade, Colonel JP Rulisa.
