Kuva mu ntangiriro z’umwaka, imirambo 791 y’abazize Jenoside yakorewe Abatutsi mu 1994 yatoraguwe mu bice byegereye Ikiyaga cya Mugesera, mu Murenge wa Rukumbeli, mu Karere ka Ngoma.
By’umwihariko kuva ku ya 26 Kanama kugeza 14 Nzeri, byibuze imirambo 547 yakuwe ku nkombe, kandi ubushakashatsi bwa buri munsi buracyakomeza.
Jean-Pierre Musafiri, Perezida wa Ibuka mu Karere ka Ngoma, yavuze ko umurambo wa mbere w’uwazize jenoside wabonwe n’umwana wari uragiye ihene, hanyuma awereka umuntu mukuru.
Yatangarije ikinyamakuru The New Times ati: “Ni metero nkeya uvuye ku kiyaga cya Mugesera, giherereye hagati y’uturere twa Ngoma na Rwamagana. Ubwo butaka bwari ubw’abakoze jenoside n’abayobozi icyo gihe”.
N’ubwo bishobora kuba bitoroshye kumenya umurambo w’umunyamuryango wapfuye mu myaka 26 ishize, kubona abazize jenoside ni ubutabazi bukomeye ku barokotse nk’uko Musafiri abitangaza.
Yagize ati: “Byibuze uravuga uti, birashoboka ko ari mu bo ndimo guha ishyingurwa ryiza ribakwiriye.”
Nta n’imwe mu mibiri yatoraguwe yashyinguwe mu buryo bukwiye kuva mu ntangiriro za 2020 kubera icyorezo cya Covid-19.
Abatutsi barenga 40.000 bishwe muri Jenoside yo mu 1994 bashyinguwe mu Rwibutso rwa Jenoside rwa Rukumbeli.
