Ubwenegihugu bw’u Bufaransa nibwo bwa mbere bukurura abanyamahanga ku Isi ahanini bitewe no koroshya kuhatangira ubuzima no kuhamenyera ukurikije urutonde rwa 2019 rw’Ubuziranenge bw’Ubwenegihugu dukesha Expat.com, aho u Bufaransa bufite amanota 81.7%, imbere y’u Budage (81,6%). Ibihugu icumi bya mbere bikurura abantu cyane ni ibyo mu Burayi ariko turibanda ku bihugu byo muri Afurika .
Igihugu cyo muri Afurika kiza imbere y’ibindi ni Ikirwa cya Maurice (ku mwanya wa 55 ku Isi), gikurikirwa na Afurika y’Epfo (85), Cap-Vert (87), Ghana (89), Botswana (93), Gambia (95 ), Bénin (97), Sénégal na Sierra Leone (99 ), Togo (103), Côte d’Ivoire na Namibia (106 ), Tunisie na Guinea (107), Burkina Faso (108), l Guinea Bissau (110), Liberia (112), Nigeria na Maroc (113), Eswatini na Mali (115), Zambie (116) Niger (118) Tanzania (119), Kenya (120), Gabon (121), Lesotho (123), Malawi (124), Sao Tomé (126), Misiri (127), Uganda (130), Zimbabwe (131), Guinea Equatoriale (132), Madagascar (134), Angola na Comores (135), Mauritanie (136), Mozambique, Congo n’u Rwanda (138).
Hakurikiraho ibihugu bya Cameroun (144), Djibouti na Libya (145), Tchad (146), Burundi (147), Ethiopie (148), Soudan (151), Erthrea (152), RDC (153), Centrafrica (154 ), Sudani y’Epfo ifunga urutonde ku mwanya wa 157 ku Isi.
Igihugu cya Leta Zunze Ubumwe za Amerika kiri ku mwanya wa 27 kubera ko cyakajije ibisabwa kugirango umuntu ahimukire. Leta Zunze Ubumwe z’Abarabu zazamutseho imyanya 13 kuva mu 2013 kugeza ubu ziri ku mwanya wa 46. Iri zamuka ryatewe ahanini n’ishyirwaho rya politiki iherutse gusonera abaturage bazo viza yo gutembera mu gace ka Schengen.
