Padiri uzwiho gusengera abarwaye indwara zikomeye bagakira, Ubald Rugirangoga ubu ubu ari koroherwa nyuma yo kugaragaraho icyorezo cya Covid-19.
Ku wa 21 Ukwakira 2020 ni bwo byamenyekanye ko Padiri Ubald yanduye icyorezo cya Covid-19, ko ubuzima bwe butameze neza ku buryo byatumye adakomeza gukorera isengesho ry’Ishapure ku rukuta rwa Facebook.
Kuri uyu wa 22 Ukwakira, kuri uru rukuta hatambutse andi makuru avuga ko ubu ugu mupadiri agenda yoroherwa, akaba arwariye mu rugo. Itangazo rigira riti: “Padiri Ubald ari gutora agatege, gake gake ari kumererwa neza. Ari kuruhuka bihagije kandi ari kwitabwaho. Ntabwo ari mu bitaro, ari gukira.”
Muri ibi bihe bya Covid-19, Padiri Ubald yakunze kugaragara akorera Isengesho ry’Ishapure kuri Facebook, buri munsi. Bitewe n’iki cyorezo cyamufashe, aherukaho tariki ya 17 Ukwakira 2020. Biteganyijwe ko igihe azaba yakize, azakomeza iri sengesho.
