Perezida wa Komisiyo y’Amatora muri Tanzania, Semistocles Kaijage kuri uyu wa 30 Ukwakira 2020 yatangaje ko Dr. John Pombe Magufuli ari we watsinze amatora y’Umukuru w’Igihugu yabaye ku wa 28.
Nk’uko bigaragara mu mibare y’agateganyo y’ibyavuye mu matora, Dr. Magufuli uhagarariye ishyaka Chama Cha Mapinduzi yagize amajwi 12,516,252, naho Tundu Lissu uhagarariye CHADEMA, akaba ari na we bari bahanganye cyane agira amajwi 1,993,271.
Uko aba bakandida batowe
Muri rusange abatoye ni 15,091,950 mu bari kuri lisiti y’itora barenga miliyoni 29.7.
Iyi ni manda ya kabiri Dr. Magufuli usanzwe ari Umukuru wa Tanzania yegukanye, nyuma y’iya mbere yatsinzemo abarimo Edward Lowassa mu 2015.
