Rayon Sports yasinyishije Umunya- Côte d’Ivoire wakiniraga TP Mazembe (Amafoto)

Ikipe ya Rayon Sports kuri uyu wa Gatanu, yasinyishije Umunya- Côte d’Ivoire, Jean Vital Ourega; iheruka gutizwa na Tous Puissant Mazembe yo muri Repubulika Iharanira Demokarasi ya Congo.

Ourega w’imyaka 24 y’amavuko, yasinye amasezerano y’umwaka umwe yo gukinira Rayon Sports. Akina hagati mu kibuga.

Uyu musore ukina hagati mu kibuga, yari asanzwe ari mu Rwanda kuko yahageze ku wa Kabiri tariki 14 Ukwakira 2020.

Ni umwe mu bakinnyi babiri Tout Puissant Mazembe yo muri Repubulika Iharanira Demokarasi ya Congo yatije Rayon Sports mu gihe cy’umwaka umwe.

Uyu munya-Côte d’Ivoire ubwo yageraga mu Rwanda mu kwezi gushize, yahise ajyanwa mu kato muri The Mirror Hotel.

Mugenzi we bagombaga kuzana muri Rayon Sports, Umunye-Congo Robert Mbelu w’imyaka 24, ntabwo aragera mu Rwanda kugeza ubu, bijyanye n’uko hari ibyangombwa yari agishakisha mu minsi yashize.