Minisiteri y’Ubuzima yatangaje ko mu Rwanda kuri uyu wa Gatandatu Tariki ya 19 Ukuboza habonetse abarwayi bashya ba COVID-19 babarirwa mu 127; mu gihe abahitanwe n’iki cyorezo ari babiri.
Abarwayi bashya babonetse barimo 76 b’i Kigali (Abahuye n’abanduye bari kuvurirwa mu ngo), 12 b’i Rusizi, 12 b’i Musanze, 11 ba Rubavu, batandatu bo mu Gakenke, batanu b’i Kirehe, babiri b’i Huye, umwe wa Rwamagana n’undi w’i Muhanga.
Abanduye COVID-19 bose mu gihugu bahise baba 7,231; barimo abamaze gukira 6,089 batarimo n’umwe wo kuri uyu wa Gatandatu.
Magingo aya abakirwaye COVID-19 mu Rwanda ni 1,084 na ho abo imaze guhitana ni 59.
Minisiteri y’Ubuzima ivuga ko abishwe na COVID-19 kuri uyu wa Gatandatu barimo umugabo w’imyaka 90 n’uw’imyaka 57 bombi b’i Kigali.
