Minisiteri y’Ubuzima imaze gutangaza ko abagore babiri n’abagabo babiri, bose b’Abanyarwanda, bishwe n’icyorezo cya Covid-19 kuri uyu wa 20 Ukuboza 2020.
Aba bagore bafite imyaka 47 na 63 y’amavuko bapfiriye i Kigali, abagabo b’imyaka 52 na 68 bapfira mu Karere ka Rubavu.
Abanduye iki cyorezo uyu munsi bo ni 61, mu bipimo 3545 byafashwe. Barimo 6 babonetse i Kigali, 25 babonetse i Rubavu, 13 babonetse muri Muhanga, 9 babonetse i Huye, 4 babonetse muri Musanze, 2 babonetse muri Gakenke, uwabonetse muri Kirehe n’uwabonetse muri Nyanza.
