Minisiteri y’Ubuzima kuri uyu wa Kabiri yatangaje ko abantu bane bishwe na COVID-19 mu Rwanda, na ho 107 biganjemo abo mu mujyi wa Kigali bandura kiriya cyorezo.
Abishwe na COVID-19 barimo abagabo babiri; uw’imyaka 78 na 68 n’umugore w’imyaka 84 b’i Kigali, ndetse n’umugabo w’imyaka 48 wo mu karere ka Gicumbi.
Abahitanwe na COVID-19 mu bahise bagera kuri 79 bangana na 1% by’ababarirwa muri 8,128 bamaze kwandura kiriya cyorezo mu Rwanda.
Abanduye kuri uyu wa Kabiri barimo 40 bo muri Kigali, 17 b’i Kayonza, 12 bo mu Gakenke, 12 b’i Musanze, umunani b’i Huye, umunani b’i Rubavu, batanu b’i Gicumbi, babiri b’i Burera, umwe Rusizi, uwo ku Kamonyi n’uw’i Nyagatare.
Abarwayi 6,339 ni bo bamaze gukira COVID-19 mu Rwanda, na ho abakiyirwaye ni 1, 710.
