Ingagi ziba mu rwororero rwa Safari Park mu mujyi wa San Diego muri Leta Zunze Ubumwe za Amerika, zanduye icyorezo cya Covid-19.
Abashinzwe uru rwororero bavuga ko mu cyumweru gishize ari bwo ngagi zigera muri eshatu zatangiye kugaragaza ibimenyetso by’iki cyorezo birimo gukorora.
Ku wa Gatanu, Laboratwari yo muri Leta ya California ishinzwe kugenzura ubuzima bw’inyamaswa n’ubuziranenge bw’ibiribwa, yapimye izi ngagi, isanga zaranduye.
Ku wa Gatandatu, Laboratwari y’igihugu ishinzwe ubuvuzi bw’inyamaswa nayo yapimye izi ngagi, isanga koko zanduye iki cyorezo.
Lisa Peterson uyoboye Safari Park, mu nkuru ya New York Times, yavuze ko n’ubwo izi ngagi zagaragaje ibi bimenyetso, bigaragara ko ubuzima bwazo buhagaze neza. Ati: “Usibye ibicurane no gukorora, izi ngagi zimeze neza.”
Nk’uko abashinzwe Safari Park babivuga, izi ngagi zishobora kuba zarandujwe n’abantu bahasuye bari bambaye ibikoresho bw’ubwirinzi bw’iki cyorezo. Bitewe n’uko zabanaga n’izindi, hari impungenge ko iziba muri uru rwororero rwose uko ari 8 zaba zaranduye.
