Norvège: Abantu 29 barapfuye nyuma yo guterwa urukingo rwa Covid-19

Nk’uko Sigurd Hortemo ukorera mu kigo cy’igihugu cya Norvège gishinzwe ubuvuzi, Norwegian Medicines Agency, yabitangarije New York Post tariki ya 15 Mutarama 2021, aba barimo 13 bamaze gusuzumwa bigaragara ko bishwe n’ingaruka z’izi nkingo zirimo umuriro no kuruka, naho abandi 16 bari bagisuzumwa.

Abenshi muri aba bapfuye ni abasheshe akanguhe barimo 23 barengeje imyaka 80 y’amavuko n’abandi 6 bari hagati y’imyaka 75 na 79 y’amavuko.

Abarenga 30,000 bamaze guterwa izi nkingo. Steinar Madsen uyoboye ishami ry’ubuvuzi muri iki kigo, yasobanuye ko ubusanzwe nta ngaruka zikanganye izi nkingo zigira, ariko asobanura ko hagomba ubushishozi mbere yo kuzitera abanyantege nke barimo abakuze kuko baba bafite ibyago byinshi byo guhitanwa n’izi ngaruka z’izi nkingo.