Ishyirahamwe Mpuzamahanga ry’Ibarurishamibare n’Amateka ku mupira w’amaguru (IFFHS) ryashyize ahagaragara ikipe y’abakinnyi 11 beza baranze umugabane wa Afurika mu myaka 10 ishize.
Ni ikipe yiganjemo amazina asanzwe azwi mu mupira w’amaguru, igizwe n’abakinnyi bose bakomoka mu Burengerazuba bw’umugabane wa Afurika no mu majyaruguru yawo.
Umunya-Nigeria Vincent Enyeama ni we watowe nk’umuzamu wahize abandi muri Afurika mu myaka 10 ishize, mu gihe umunya-Misiri Mohamed Salah, umunya-Senegal Sadio Mané n’umunya-Gabon Aubameyang ari ba rutahizamu bahize abandi.
11 beza baranze Afurika mu myaka 10 ishize
Umuzamu: Vincent Enyeama (Nigeria)
Ba myugariro: Ahmed Fathy (Misiri), Mehdi Benatia (Maroc), Kalidou Koulibaly (Sénégal), Eric Bailly (Côte d’Ivoire).
Abakina hagati mu kibuga: Yaya Touré (Côte d’Ivoire), André Ayew (Ghana), Riyad Mahrez (Algeria).
Abataha izamu: Sadio Mané (Sénégal), Pierre- Emerick Aubameyang (Gabon) na Mohamed Salah (Misiri).
