Ikigo cy’ubwikorezi bwo mu kirere cya RwandAir cyatangaje ko guhera kuri uyu wa 8 Gashyantare 2021 cyahagaritse ingendo zijya mu bihugu bitatu bya Afurika, mu rwego rwo kwirinda ikwirakwira ry’ubwandu bushya bw’icyorezo cya Covid-19.
Ibyo bihugu ni Afurika y’Epfo yabonetsemo ubu bwandu, Zimbabwe na Zambia byegeranye.
RwandAir iti: “Hashingiwe ku mpungenge z’ikwirakwira ry’ubwoko bushya bwa Covid-19 ku rwego mpuzamahanga bwabonetse muri Afurika y’Epfo, RwandAir ihagaritse ingendo zose zerekeza Johannesburg na Cape Town (muri Afurika y’Epfo), Lusaka (Zambia) na Harare (Zimbabwe) guhera ku wa 8 Gashyantare 2021.”
Iki kigo kitatangaje igihe isubikwa ry’izi ngendo rizamara, kivuga ko abari baramaze gukatisha amatike yo kwerekeza muri ibi bihugu, basaba andi cyangwa se bakaba basubizwa amafaranga bishyuye.
RwandAir isubitse izi ngendo nyuma y’iminsi 10 Guverinoma y’u Bwongereza ikumiriye abagenzi baturuka mu Rwanda mu gihe cy’iminsi 15, bitewe n’uko bagikora ingendo ziva zikanajya muri Afurika y’Epfo habonetse ubu bwandu bushya bwa Covid-19.
2 Responses
RwandAir yahagaritse ingendo mu bihugu 3, bitewe n’ubwandu bushya bwa Covid-19
Ese baba bahagaritse nizivayo zijya mu rwanda???????
RwandAir yahagaritse ingendo mu bihugu 3, bitewe n’ubwandu bushya bwa Covid-19
Ese baba bahagaritse nizivayo zijya mu rwanda???????