Minisitiri ushinzwe ibikorwa by’ubutabazi muri Repubulika ya Demukarasi ya Congo, Steve Mbikayi yatangaje ko ubwato bwari butwaye abantu barenga 700 bwakoze impanuka, haboneka imirambo y’abagenzi 60, mu gihe abandi barenga 300 baburiwe irengero.
Ni impanuka yabereye mu ruzi rwa Congo hafi mu Ntara ya Mai Ndombe mu ijoro ry’uwa 14 rishyira uwa 15 Gashyantare 2021, aho bivugwa ko ubu bwato bwari butwaye umubare w’abagenzi budafitiye ubushobozi, bwagonze ibuye.
Minisitiri Mbikayi ejo yatangarije ku rubuga rwa Twitter ati: “Ubwato bwari butwaye bwarengeje urugero, bwagiye nijoro butwaye abagenzi barenga 700, bwarohamye muri Mai-Ndombe. Imirambo 60 imaze kuboneka, hamwe n’abarokotse 300.”
Minisitiri Mbikayi yihanganishije imiryango yaburiye abayo muri iyi mpanuka, anasaba ko abakora amakosa nk’iri ryo gutwara abagenzi benshi babihanirwa.
2 Responses
RDC: Abantu 60 baguye mu mpanuka y’ubwato, abarenga 300 babuze
Ababuze ababobihangane gusa abatwara ubwato ntibakarenze ibirobyagenewe ubwato ubuzimaburahenda. Murakoze
RDC: Abantu 60 baguye mu mpanuka y’ubwato, abarenga 300 babuze
Ababuze ababobihangane gusa abatwara ubwato ntibakarenze ibirobyagenewe ubwato ubuzimaburahenda. Murakoze