Polisi ya Afurika y’Epfo ivuga ko Abdallah Seif Bamporiki wari ukuriye ishyaka ritavuga rumwe n’ u Rwanda, Rwanda National Congress, (RNC) muri icyo gihugu, yishwe n’abajura hagendewe ku makuru y’iperereza ry’ibanze yamaze kwegeranya. Bamporiki yishwe arashwe ku cyumweru nimugoroba ahitwa Nyanga Township muri Cape Town, yari amaze amasaha macye avuye i Johannesburg. Polisi ya Africa y’Epfo yabwiye BBC ko iperereza ry’ibanze rituma “yizera ko impamvu y’ubu bucanyi ari ubujura”. Mu modoka imwe, Bamporiki wari umaze amasaha ageze i Cape Town, umukozi we, hamwe n’uwo mukiliya bajyanye igitanda aho umukiliya atuye ari naho yarasiwe agapfa. Polisi ya Africa y’Epfo ivuga ko uwari kumwe nawe we yabashije guhunga adakomerekejwe. Polisi ivuga ko nta muntu irafata kugeza ubu aregwa ubu bwicanyi, ivuga ko uwapfuye yavanywe mu modoka akaraswa, naho abaregwa kwica bagatwara imodoka. Uyu Bamporiki ariyongera ku bandi Banyarwanda bo muri RNC bishwe cyangwa bakarokoka ubwicanyi muri Afurika y’Epfo barimo: Kayumba Nyamwasa, Frank Ntwari na Kennedy Gihana, hamwe na Col Patrick Karegeya wishwe mu 2013, na Camir Nkurunziza – we wari utakiri muri RNC – wishwe mu 2019. Kurikira ibiganiro n’amavidewo binyura kuri Bwiza TV
