U Rwanda rwakiriye inkingo za Coronavirus ibihumbi 240 zo mu bwoko bwa AstraZeneca kuri uyu wa Gatatu tariki 3 Werurwe 2021. Indege ya Qatar Airways itwaye icyiciro cya mbere cy’inkingo z’icyorezo cya COVID-19 ziri muri gahunda ya Covax, yazigejeje i Kigali zakirwa n’abayobozi banyuranye. RBA itangaza ko byitezweko izindi nkingo 102,960 zo mu bwoko bwa Pfizer ziri bugere mu Rwanda. Minisiteri y’Ubuzima ivuga ko ku ikubitiro hazakingirwa abantu 171.480 barimo abakozi bo kwa muganga,abarengeje imyaka 65 y’amavuko,abasanganywe izindi ndwara n’abandi bari ku ruhembe rwo guhangana na COVID-19. Kurikira ibiganiro n’amavidewo binyura kuri Bwiza TV
