Rutahizamu wa APR FC n’Iikipe y’igihugu Amavubi, Tuyisenge Jacques, yahakanye amakuru amwerekeza muri Young Africans yo muri Tanzania.
Ku mugoroba wo kuwa Gatatu tariki ya 3 Werurwe, ku mbuga Nkoranyambaga hacicikanye amakuru avuga ko Tuyisenge yaba yuriye rutemikirere yerekeza muri Tanzaniya kuvugana n’ubuyobozi bw’ikipe ya Young SC.
Uyu musore usanzwe ari Kapiteni w’ikipe y’igihugu y’abakina imbere mu gihugu, yabwiye urubuga rwa APR FC ko ibyavuzwe ari ibihuha.
Ati: “Ntabwo ari byo pe nanjye nabibonye nk’uko namwe mwabibonye. Ni inkuru mpimbano rwose jyewe ndi umukinnyi wa APR FC ibindi ni ibihuha.”
Tuyisenge Jacques yasinye amasezerano y’imyaka ibiri yerekanwa nk’umukinnyi w’ikipe y’ingabo z’igihugu tariki ya 18 Nzeri, aza guhabwa nomero 9 tarika ya 11 Ukwakira ari nayo asanzwe yambara mu ikipe y’igihugu Amavubi.
Kurikira ibiganiro n’amavidewo binyura kuri Bwiza TV
