Urubuga rw’itangazamakuru rw’igisirikare cya Kenya (KDF) rwasohoye inkuru ihishura abasirikare rubona ko ari bo ba mbere bateye ubwoba muri iki gihugu.
Aba basirikare nk’uko rubivuga ni abagize umutwe wihariye ushinzwe imitwariye yabo, bambara ingofero zitukura, uzwi nka ‘Military Police’.
Umwe mu basirikare batanze ubuhamya kuri aba bagize umutwe wa Military Police nk’uko tubikesha Kenyans, yavuze ko biba bisaba kwigenzura, ukareba niba nta kosa wakoze mbere y’uko uhura nabo.
Yagize ati: “Buri musirikare arahangayika iyo agiye guhura n’umusirikare wa Military Police. Ese nambaye mu buryo nkwiye kwambara? Ese ishati nambaye iriho ikirango cy’izina? Ese nibagiwe guhanagura ibirungo (make up) mbere y’uko nambara impuzankano?”
Yakomeje ati: “Ni uruhurirane rw’icyubahiro ndetse n’igitinyiro, byasobanura umusirikare wambara ingofero y’umutuku kuko agaragaza umwihariko, utuma atera ubwoba.”
Lt Nyamita ushinzwe iperereza rihariye muri ‘military police’ yavuze ko uyu mutwe ukora nka polisi ishinzwe abasirikare nk’uko n’izina ryawo ribyumvikanisha. Ati: “Turi abapolisi ba KDF, dushyiraho tukanongerera imbaraga imyitwarire myiza.”
Yavuze ko kwinjira muri uyu mutwe bisaba ikinyabupfura gihambaye ndetse no kuba waritwaye neza mu masomo (courses) atandukanye ya gisirikare.
Icyo bakora ni ukugenza ibyaha byoroheje n’ibikomeye, hakaba ubwo bakorana n’urwego rukuru rw’igihugu rushinzwe iperereza, DCI.
Kurikira ibiganiro n’amavidewo binyura kuri Bwiza TV
2 Responses
Igisirikare cya Kenya cyahishuye abasirikare ba mbere kibona ko bateye ubwoba
Aba wowe arabavugisha amatama yombo batubaze , iyo wumvise ngo baraza mugace utuyemo nakazi uwomunsi ntukajyamo kandi boss impamvu arazumva kuko nawe aba abazi . Ayinyaaaa aba bavuna amagufwa nkuzimya buji .
Igisirikare cya Kenya cyahishuye abasirikare ba mbere kibona ko bateye ubwoba
Aba wowe arabavugisha amatama yombo batubaze , iyo wumvise ngo baraza mugace utuyemo nakazi uwomunsi ntukajyamo kandi boss impamvu arazumva kuko nawe aba abazi . Ayinyaaaa aba bavuna amagufwa nkuzimya buji .