Ubushobozi bw’ingabo za Kenya zirwanira mu kirere (Imibare)

GFI ivuga ko ingabo za Kenya zirwanira mu kirere, KAF (Kenya Air Force) zifite indege zibarirwa mu 150 zirimo indwanyi, izishinzwe ubwikorezi, izifashishwa mu myitozo, izoherezwa mu butumwa bwihariye ndetse na kajugujugu.

Urubuga Flight Global muri raporo yarwo rwise World Air Forces, rwatanze amakuru arambuye ku bikoresho KAF itunze, ubwoko bwabyo ndetse n’imirimo bikora.

Uru rubuga ruvuga ko ingabo za Kenya zirwanira mu kirere zifite indege z’indwanyi 17 zose zo mu bwoko bwa Falcon F-5E zakorewe muri Leta Zunze Ubumwe za Amerika (USA), zikagira 2 zishinzwe ubutumwa bwihariye, zo mu bwoko bwa Cessna 208 (Recce) na zo zakorewe muri USA.

KAF ifite indege 21 yifashisha mu bwikorezi, zirimo 3 za Alenia C-27J Spartan zakorewe mu Butaliyani, 2 za Cessna 208, 3 za De Havilland Dash-8 zakorewe muri Canada, 3 za De Havilland DHC-5 Buffalo zakorewe muri Canada n’10 za Harbin Y-12 zakorewe mu Bushinwa.

Ifite kandi kajugujugu z’intambara 87 zirimo 2 za Bell AH-1F Cobra zakorewe muri USA, 3 za AgustaWestland AW139 zakorewe mu Butaliyani, 9 za Eurocopter H125M/ASS50 Fennec zakorewe mu Bufaransa, 45 za MD500/530F zakorewe muri USA, 2 za Mil Mi-171 zakorewe mu Burusiya, 13 za Aérospatiale SA330 zakorewe mu Bufaransa, 7 za Bell UH-1H zakorewe muri USA n’6 za Harbin Z-9 mu Bushinwa.

Izi ngabo zifite indege 23 zifashishwa mu myitozo zirimo: 6 za Falcon F-5F zakorewe muri USA, 5 za Grob G120A zakorewe mu Budage na 12 za Tucano T51 zakorewe muri Brazil.

Kurikira ibiganiro n’amavidewo binyura kuri Bwiza TV