Umugabo witwa Dr Kabagambe Patrick Mbusa yaburiwe irengero umunsi ubanziriza uw’ubukwe bwe na Christella Banturaki bwari bwitewe kubera mu Mujyi wa Kampala. Kabagambe yari gusezeranira All Saints Cathedral Nakasero kuwa Gatandatu ariko kuwa Gatanu yahise abura, telefoni ze zivaho, ingingo yatumye umugeni na benewabo bitabaza polisi ya Kasangati ari nako imitima yabo idiha. Bari batanze ikirego bavuga ko ari ubutekamutwe bwakozwe na Kabagambe. Umuvugizi wa Polisi muri Kampala, Luke Owesigire avuga ko Dr Kabagambe yizanye kuri polisi i Wandegeya, akavuga ko impamvu ataje ku rusengero ari uko yari ahangayitse, yumva atabasha kuhagera. Polisi yamenye ko aba bombi bashakanye mu buryo bwa koco naho uyu mugabo ngo akaba yari yihishe kuri imwe mu nshuti ze. Haracyakorwa iperereza kuri iki kibazo mu gihe uregwa, Kabagambe yamaze guhanagurwaho ibyaha byose, akaba yarekuwe atanze ingwate. Kurikira ibiganiro n’amavidewo binyura kuri Bwiza TV
