Mu irushanwa ry’inzoga nziza riba buri mwaka ritegurwa n’ikigo Monde Selection, muri iki cyumweru inzoga yengwa n’Umurundi John Chris Kavakure yahawe umudari wa Zahabu nk’inzoga ya mbere iryoshye cyane mu mwaka wa 2021. Inzoga yengwa na Kavakure ni iyitwa Red Flo Bio, ikaba yahigitse izindi byari bihanganye zigera ku 3, 100 zivuye mu bihugu 90 hirya no hino ku Isi. Ni ku nshuro ya 60 iri rushanwa ryari ribaye, rihuza inzoga zikaze ku rwego rwa 7.5 (Alc.Vol.). Iri rushanwa ritegurwa na Kompanyi International Quality Institute yo mu Bubiligi, ifite uburambe kuri iyi ngingo. John Chris Kavakure ni Umubiligi kandi w’Umurundi yabwiye BBC dukesha iyi nkuru uko yiyumva nyuma yo kwegukana umwanya wa mbere. Yagize ati:” Kuba ndonse ico kidari ndi umurundi, avuka mu Bwiza, biha inguvu urundi rwaruka ko mu bikorwa bakora, ko ejo hashobora kuboneka umu John Chris mu burimyi, mu gushona, mu kworora.” Kavakure amaze gukora ubwoko burenga 20 bw’inzoga mu rwengero rwe rwitwa Les Brasseries de Flobecq ruri mu Bubiligi, akaba ashobora gukora ama ‘hectolitres’ 30,000 ku munsi. Avuga ko umwuga wo kwenga inzoga yawukundishijwe na nyirakuru. Ni ubwa kabiri yegukanye uyu mudari kuko mu 2018 nabwo yari yawegukanye ku bw’inzoga ye Flo58. Kurikira ibiganiro n’amavidewo binyura kuri Bwiza TV
XMA Header Image
Dr Kayumba azabigumamo nk’imyaka 3\\Politike si ukurya Mayoneze//U Rwanda rubaho ku ishyaka 1-Robert
youtube.com
