Umurundi Ambasaderi Libérat Mfumukeko kuri uyu wa 21 Mata 2021 yatangaje ko yahawe inshingano na Banki y’Isi.
Ku rubuga rwa Twitter, Ambasaderi Mfumukeko yavuze ko yahawe inshingano yo guhagararira ibihugu 22 bigize itsinda Africa Group 1, bihabwa inguzanyo na Banki y’Isi, binyuze mu muryango IDA (International Development Association) uyishamikiyeho.
Yagize ati: “Nishimiye guhabwa inshingano na Banki y’Isi nk’uhagarariye IDA Borrower no kugirwa umwe mu bayoboye Africa Group 1 (igizwe n’ibihugu 22 birimo Leta zigize EAC).”
Ambasaderi Mfumukeko ari kurangiza manda ye y’imyaka itanu ku mwanya w’Umunyamabanga Mukuru wa EAC, agiye gusimburwaho n’Umunyakenya, Dr Peter Matuku Mathuki mu minsi itandatu iri imbere.
Kurikira ibiganiro n’amavidewo binyura kuri Bwiza TV
