Ubuzima bw’imyororokere, amabanga y’urugo ajyanye n’ imibonano mpuzabitsina ni bimwe mu bigirwa ibanga bikanaganirwaho mu bwiru, n’uwo ricitse ari mu bandi akumva ko akoze amahano ariko mu byukuri iyo biganiriweho bikuraho urujijo kuri bamwe baba bakitiranya ibintu.
N’ufite amatsiko ashaka kumenya bimwe na bimwe kuri izi ngingo aranuma kubera isoni ariko nyamara ngo “isoni zirisha uburozi”, kugeza magingo aya hari abakitiranya amatembabuzi ava mu gitsina cy’umugore/Kobwa n’amazi asohoka mu gihe cy’imibonano mpuzabitsina mu gikorwa cyo kunyaza “amavangingo”.
[ad id=”44145″]
Aya matembabuzi ni iki, asa ate?
Ni amazi asohoka mu gitsina cy’umukobwa cyangwa umugore aba asa n’umweru cyangwa adafite ibara abonerana. Akorwa n’umura, inkondo y’umura cyangwa igitsina ubwacyo.
Umugore wese agira amatembabuzi ariko si ko amatembabuzi yose aba asanzwe; ni ukuvuga ko hari amatembabuzi azanwa n’uburwayi.
Ingano yayo iratandukanye bitewe n’umuntu. Bamwe bayabona buri munsi, abandi rimwe na rimwe; bamwe menshi, abandi make. Uko ayo matembabuzi aza bigenda bihinduka mu buzima bw’umuntu.
Iyo ayo matembabuzi ahinduye ibara kandi akaza afashe cyane cyangwa akagira impumuro yindi, cyangwa se akagira uburyaryate mu gitsina, bishobora kuba ari uburwayi cyangwa atari bwo, hari n’igihe byaterwa n’uko ari mbere cyangwa nyuma y’imihango y’umukobwa.
Hari indwara nyinshi umugore ashobora kurwara zandurira mu mibonano mpuzabitsina, umuntu ashobora kwandura akoranye imibonano mpuzabitsina n’umuntu uyirwaye.
Infections à levres: Amatembabuzi aba ari umweru ufashe, Tirikomunasi: amatembabuzi aba ari icyatsi, umuhondo ikijuju, bimeze nk’urufuro.
Bacterial vaginosis: Amatembabuzi aba ari umweru afite impumuro imeze nk’iy’ifi. Imitezi: Amatembabuzi aba afite ibara ryijimye cyangwa umuhondo, ariko kenshi nta bimenyetso umuntu aba afite. Iyo itavuwe uburwayi bushobora gukura bukagera no mu mura bigatera ububabare bwinshi.
[ad id=”44145″]
Ese Amavangingo yo ni iki?
Amavangingo aza mu gihe cy’imibonano mpuzabitsina bamwe bita ko ari amazi, ni umugore cyangwa umukobwa uyasohora akaba aturuka mu myanya myibarukiro ye biturutse ku byiyumviro aba yatewe n’umugabo we cyangwa undi wese bakoranye icyo gikora, yamwishimiye kandi nawe yamukoze aho… aharyoshye.
Aya mazi rero niyo bita amavangingo, nubwo hari abayitiranya n’inkari zisanzwe cyangwa ya matembabuzi twavuze haruguru, aya yo arihariye.
Aya mavangingo akaba aza ashyushye cyane, bikaba biryohera umugore cyane kuko biza bitewe n’ibyishimo ndengakamere aba yatewe n’uwo babikorana bitewe nyine n’uburyo abimukoreramo.
Uretse n’umugore kandi n’abagabo birabanezeza, kuko biryoshya imibonano, uretse ko hari n’ababifata nk’umwanda cyane cyane mu mico y’abera (abazungu), ariko mu Rwanda n’ibihugu birukikije abagabo bakunda gutera akabariro banyaza.
Aya mavangingo aza mu gihe cy’imibonano, kimwe n’uko ashobora kuza mbere ho gato umugabo akigutegura cyane cyane arimo gukorakora ku gitsina cy’umugore,akora intoki ku bice by’imbere, ariko yamatembabuze twavuze haruguru yo isaha ku isaha araza, nubwo waba utarimo no gutekereza ku mibonano.
Kanda hano ujye ubona amakuru yihuse kandi kugihe kuri Facebook no kuri twitter
Gentille Kamikazi/Bwiza.com
