APR FC yatsindiye AS Muhanga iwayo, ikomeza kuyobora itsinda

Ikipe ya APR FC yegukanye amanota atatu y’umunsi wa kabiri wa shampiyona, nyuma yo kujya gutsindira AS Muhanga iwayo ibitego 3-1.

Ni Muhanga yakinaga umukino wa mbere muri shampiyona y’uyu mwaka, dore ko iyi kipe itabashije gukina umukino wagombaga kuyihuza na Bugesera kuko yari ifite abakinnyi 12 banduye icyorezo cya COVID-19.

Umukino iyi kipe yari yakiriyemo APR FC wabereye mu mvura nyinshi, wihariwe n’iyi kipe y’Ingabo z’igihugu yarangije igice cya mbere cy’umukino iri imbere n’ibitego 2-0.

Umunota wa 29 wari uhagije ngo Danny Usengimana afungure amazamu kuri penaliti, nyuma y’ikosa Imanishimwe Emmanuel yari akoreweho mu rubuga rw’amahina.

Iyi kipe y’Ingabo z’igihugu yatsinze igitego cya kabiri ibifashijwemo na Niyonzima Olivier ‘Seif’, ku mupira wari uturutse muri koruneri ya Nsanzimfura Keddy awutereka mu izamu n’ikirenge.

Bizimana Yannick wari wahushije ibitego byinshi imbere ya AS Muhanga yahoze akinira yatsindiye APR FC igitego cya gatatu, mbere y’uko Umurundi Mizero Parfait atsindira Muhanga agashinguracumu kuri penaliti yo ku munota wa 86 w’umukino.

Gutsinda uyu mukino byatumye APR FC ikomeza kuyobora itsinda rya mbere n’amanota atandatu, mbere y’uko ihura na Bugesera mu mukino wa gatatu wo mu tsinda. imbere ya AS Muhanga yahoze akinira yatsindiye APR FC igitego cya gatatu, mbere y’uko Umurundi Mizero Parfait atsindira Muhanga agashinguracumu kuri penaliti yo ku munota wa 86 w’umukino.

Gutsinda uyu mukino byatumye APR FC ikomeza kuyobora itsinda rya mbere n’amanota atandatu, mbere y’uko ihura na Bugesera mu mukino wa gatatu wo mu tsinda.