Perezida w’u Burusiya, Vladimir Putin, kuri uyu wa 6 Gicurasi 2021 yatangaje ko urukingo rushya rwa Covid-19 igihugu cye cyakoze rwizewe nk’imbunda ya Kalashnikov, imwe mu zamamaye zakozwe mu gihe cya Leta Zunze Ubumwe z’Abasoviyete.
Nk’uko BBC yabitangaje, Putin yabivugiye mu kiganiro yaraye agiranye na Tatyana Golikova wungirije Minisitiri w’Intebe w’iki gihugu, ubwo hari hamaze kumurikwa uru rukingo rwitwa ‘Sputnik Light’.
Uru rukingo ruje rusanga urundi rwa Sputnik V rwakorewe mu Burusiya bwa mbere. Rwo rwizewe ku kigero cya 79.4%, kandi bikaba byitezwe ko ruzihutisha igikorwa cyo gukingira bitewe n’uko rutangwa inshuro imwe gusa.
Kurikira ibiganiro n’amavidewo binyura kuri Bwiza TV
