Ikipe ya FC Barcelona y’abari n’abategarugori yegukanye igikombe cya UEFA Champions league cya mbere mu mateka yayo, nyuma yo kunyagira Chelsea ibitego 4-0.
Hari mu mukino wa nyuma wa UEFA Champions league wabereye Gothenburg mu gihugu cya Suède.
Iminota 36 y’umukino yari ihagije ngo FC Barcelona y’umutoza Luis Cortes ibe yamaze kubona ibitego bine byahise biyihesha kiriya gikombe.
FC Barcelona yatakaga cyane, yabanje gukanga Chelsea ku isegonda rya 30 ry’umukino ubwo ishoti riremereye rya Lieke Martens ryagongaga umutambiko w’izamu.
Igitutu iyi kipe yashyiraga kuri Chelsea cyatumye ku munota wa kabiri wonyine w’umukino yitsinda igitego binyuze kuri Fran Kirby.
Ikipe ya Barcelona yatsinze igitego cya kabiri ku munota wa 13 biciye kuri penaliti ya Alexia Putellas, nyuma y’ikosa Jenni Hermoso yari akoreweho mu rubuga rw’amahina rwa Leupolz.
Igitego cya gatatu cya FC Barcelona yatsinze igitego cya gatatu ku munota wa 20 biciye kuri Aitana BonmatĂ, mbere y’uko Caroline Graham Hansen atsinda agashinguracumu ku munota wa 36.
FC Barcelona y’abagore yegukanye UEFA Champions league, nyuma y’uko muri 2019 yari yatsindiwe ku mukino wa nyuma ibitego 4-1 na Olympique Lyonnais.
Gutwara kiriya gikombe byatumye FC Barcelona ica agahigo ko kuba ikipe ya mbere mu mateka ya UEFA Champions league itwaye kiriya gikombe mu bagabo no mu bagore.
