Mu rubanza Paul Rusesabagina n’abo bareganwa bakurikiranyweho ibyaha birimo iby’iterabwoba uyu munsi humviswe abaregera indishyi. Abo barimo ibigo binini n’abantu ku giti cyabo bagera kuri 80. Bose bavuga ko ibyabo byangijwe n’ibitero by’inyeshyamba za FLN Rusesabagina yari abereye umugaba w’ikirenga. Basaba indishyi zikabakaba miliyari ebyiri z’Amafaranga y’Amanyarwanda. Hari umugore wiciwe umugabo usaba Frw miliyoni 100 n’undi wapfushije umwana usaba Frw miliyoni 50. Abafite imodoka zatwikiwe muri Nyungwe na FLN basabye ayinga miliyari mugihe uwahoze ari Gitifu wa Nyabimata, Nsengiyumva Vincent asaba miliyoni 75. Abarega bavuga ko abareganwa na Rusesabagina bose uko ari 20 bagomba kuriha ibyangirijwe kuko bagize uruhare mu kwangiriza imitungo yabo. Abaregwa bose bamaze kumvwa, bikaba byitezwe ko ubushinjacyaha ari bwo butahiwe ngo busabire ibihano buri uregwa. Abaregwa bose bashinjwa ibyaha by’iterabwoba bakoreye mu Ntara y’Amajyepfo, bamwe barabihakana abandi bakabyemera. Kurikira ibiganiro n’amavidewo binyura kuri Bwiza TV
