Ingabo za MONUSCO zasubije inyuma igitero cyagabwe n’inyeshyamba za CODECO mu ijoro ryo ku wa Kabiri tariki ya 22 rishyira ku wa Gatatu 23 Kamena 2021, mu karere ka Rhoo muri Teritwari ya Djugu mu Ntara ya Ituri.
Ushinzwe amakuru rusange y’ubutumwa bw’umuryango w’abibumbye muri Ituri, ashimangira ko izo nyeshyamba zatangiye kurasa amasasu ku birindiro by’ingabo biherereye mu gace ka Rhoo, hagamijwe kwica ingabo zishinzwe kubungabunga amahoro no kwibasira abakuwe mu byabo.
Uyu muvugizi wa Monusco, Jean Tobi Okala ati “Abarwanyi ba CODECO bari bari mu gace ka Masumbuko, nko mu birometero icumi uvuye i Rhoo. Umugambi wabo ntiwari usobanutse. Ntabwo twari tuzi neza icyo bashaka. Gutera MONUSCO, FARDC cyangwa abakuwe mu byabo? Twabonye ko aba barwanyi barasaga mu cyerekezo cy’ibirindiro byacu biherereye mu gace ka Rhoo bagamije guhagarika ingabo za MONUSCO ngo babone uko batera abakuwe mu byabo. MONUSCO yarashe ibibombe, amasasu menshi bituma abo bagabye igitero bahunga. Kurasana byamaze amasaha arenga 2”
Iyi nkuru dukesha 7sur7.cd iravuga ko iyi ari inshuro ya cyenda ingabo za Monusco muri Ituri ziburijemo igitero cy’inyeshyamba za CODECO ku basivili muri Teritwari ya Djugu.
Kurikira ibiganiro n’amavidewo binyura kuri Bwiza TV
