Dr. Agnes Kalibata uyobora umuryango uharanira iterambere ry’amashyamba muri Afurika, AGRA (Alliance for a Green Revolution in Africa) yatsindiye igihembo cy’umugore w’umwaka wa 2016 mu buhinzi, ubucukuzi bw’amabuye y’agaciro ndetse n’ubugeni muri Afurika.
[xyz-ihs snippet=”google-pub”]
Iki gihembo Dr Kalibata agikesha abasomyi b’urubuga rwa New African Woman Magazine, abikesha uruhare rugaragara abamutoye bavuga ko yagize mu kurwanya inzara abinyujije mu guteza imbere ubuhinzi muri Afurika.
Ikinyamakuru cya New African Woman Magazine cyanditse ko uyu mudamu ari umunyarwandakazi udasanzwe “Rwandese Phenomenon” wateje ubuhinzi bw’Afurika mu gihe cy’imyaka 10 ishize.
Dr. Agnes Kalibata yayoboye AGRA kuva mu mwaka wa 2014, yabaye minisitiri w’ubuhinzi n’ubworozi mu Rwanda, afatwa nk’umuminisitiri w’ubuhinzi ushoboye kurenza abandi bose bo munsi y’ubutayu bwa Sahara.
Dr. Kalibata yakoze indi mirimo itandukanye mu Rwanda nk’ubunyamabanga uhoraho muri MINAGRI, umuyobozi wa kaminuza y’u Rwanda wungirije, yanakoreye umuryango mpuzamahanga wita ku buhinzi (IITA) muri Uganda, n’indi miryango itandukanye y’ibijyanye n’ubuhinzi.
[xyz-ihs snippet=”google-pub”]
Kuri ubu akorera imiryango itandukanye nka IFDC (International Fertilizer Development Corporation), WEF n’indi miryango mpuzamahanga.
Mu mwaka wa 2012, Dr. Kalibata yahawe igihembo cya Yara Prize, ni umunyarwandakazi waminuje mu bumenyi bw’ubuhinzi, muri Kaminuza ya Massachusetts muri Amerika.
