Tom Cruise yibiwe imodoka mu ifatwa ry’amashusho ya Mission: Impossible 7

Ubwo hari harimo gukinwa filimi ya « Mission : Impossible 7 » mu Bwongereza, umukinnyi w’imena w’iyi filimi, Tom Cruise yibwe imodoka y’agaciro ya BMW yari irimo ibintu bye n’abamwegereye bifite agaciro k’ibihumbi bisaga 100 by’amafaranga akoreshwa mu Bwongereza.

Iyi modoka ya Tom Cruise yibiwe aho yafatiraga amashusho y’igice cya karindwi cya Mission: Impossible mu Mujyi wa Birmingham.

Ikinyamakuru The Sun cyashyize ahagaragara aya makuru kuri uyu wa Gatanu ushize cyavuze ko imodoka ya Tom Cruise yo mu bwoko bwa BMW X7 yibiwe aho yari iparitse hanze ya Grand Hotel irimo n’ibintu bifite agaciro k’ibihumbi 115 by’amapounds.

Iyi modoka yibiwe ku muhanda uzwi nka Church Street kuwa Kabiri iza kuboneka nyuma y’igihe gito nk’uko byatangajwe n’Igipolisi cya West Midlands.

Imodoka yasanzwe hafi ya Smethwick. Amashusho ya camera zo ku muhanda arimo gusuzumwa kandi iperereza rirakomeje.

Igice kinini cya centre y’ubucuruzi ya Grand Central, hejuru ya New Street Station muri Birmingham hari hafunze kuva ku Cyumweru gishize kugeza kuwa Gatatu kugirango amashusho ya filimi afatwe.

Polisi yo mu burengerazuba bwa Midland yavuze ko BMW X7 yibwe ku muhanda wa Kiliziya ku wa kabiri hanyuma igaruka nyuma gato.

Imodoka yabonetse hafi ya Smethwick. CCTV irasuzumwa kandi iperereza rirakomeje.

Mu gihe byari biteganyijwe ko Mission: Impossible 7 izasohoka mu Ugushyingo 2021, byaje kwegezwa inyuma muri Gicurasi mu mwaka utaha wa 2022.