Ikipe ya Rayon Sports yatsinze AS Kigali igitego 1-0, mu mukino wa gicuti amakipe yombi yari yahuriyemo kuri Stade ya Kigali i Nyamirambo.
Wari umukino amakipe yombi yiteguragamo shampiyona y’icyiciro cya mbere igomba gutangira mu mpera z’uku kwezi, gusa AS Kigali yaniteguraga imikino ibiri ifitanye na DCMP yo muri Repubulika Iharanira Demokarasi ya Congo y’ijonjora rya kabiri rya CAF Confederation Cup.
Igitego cyo mu gice cya mbere cy’umukino cy’umunya-CamĂ©roun Essoumba Willy Onana ni cyo cyatandukanyije impande zombi. Ni ku mupira yari ahawe n’umunya-Maroc Youssef Rhab Rayon Sports yatijwe na Raja Casablanca.
Iki gitego cyakurikiwe no gusatira gukomeye ku ruhande rwa AS Kigali yayoboye umukino wose muri rusange, gusa ba rutahizamu bayo ntiboroherwa n’umunyezamu Hakizimana Adolphe.
Umukino warangiye uyu munyezamu ukiri muto akuyemo imipira itanu ikomeye yashoboraga kuvamo ibitego ku ruhande rwa AS Kigali.
Mu yindi mikino ya gicuti yabaye:
Police FC 2-1 Musanze FC
Kiyovu Sports 4-1 Gorilla FC
Gasogi United 1-1 Musanze FC
Mukura VS 4-2 Rutsiro FC.
