Ikipe ya Paris Saint-Germain iri kumwe na Lionel Messi, yatakaje umukino wa mbere kuva uyu munya-Argentine yayigeramo mu mpeshyi y’uyu mwaka.
Paris Saint-Germain yari imaze imikino umunani idatsindwa, ku Cyumweru yatsinzwe na Stede Rennais ibitego 2-0, mu mukino wa shampiyona y’Abafaransa.
Messi waherukaga gutsinda ibitego cy’akataraboneka mu mukino wa UEFA Champions league PSG iheruka gutsindamo Manchester City igitego 1-0, yagaragaye muri uyu mukino gusa ntiyashobora gutsinda igitego cya mbere muri shampiyona.
Igikomeye muri uyu mukino Messi yakoze ni Coup-Franc ye yagaruwe n’umutambiko w’izamu.
Ibitego bya Gaetan Laborde na Flavian Tait ni byo byafashije Rennes gukura amanota atatu kuri PSG.
Cyakora cyo n’ubwo PSG yatsinzwe uriya mukino, iracyayoboye urutonde rwa shampiyona y’Abafaransa n’amanota 24, gusa iracyafite ikibazo cyo guhuza umukino mu bakinnyi bayo.
Messi, Neymar na Kylian MbappĂ© bose bari babanje mu kibuga mu gice cya mbere cy’umukino, gusa bananirwa byibura kubonera ikipe yabo igitego.
