Leta Zunze Ubumwe za Amerika zemeje ikinini cyakozwe na Sosiyete ikora imiti ya Pfizer nk’umuti wa mbere uvura icyorezo cya COVID-19.
Ejo ku wa Gatatu ni bwo inzego z’ubuzima muri Amerika zemeje iki kinini.
Abanyamerika bazahabwa iki kinini bari mu ngo zabo nk’uko ibitangazamakuru byo muri iki gihugu byabitangaje.
Amerika yateye yo guca intege COVID-19, nyuma y’igihe itegerejwe n’amamiliyoni y’abaturage b’iki gihugu.
Ni intambwe yatewe mu gihe muri Amerika imibare y’abandura n’abahitanwa n’icyorezo cya COVID-19 ikomeje kwiyongera.
Iyi ntambwe yatewe mu gihe inzego zishinzwe ubuzima ku Isi zikomeje gutanga impuruza y’uko ubwoko bushya bwa COVID-19 yihinduranyije bwa Omicron bushobora gutuma amavuriro arengerwa n’umubare w’abarwayi.
Amakuru avuga ko kiriya kinini cyitwa Paxlovid kivura COVID-19 mu buryo bwihuse cyane, gusa mu minsi ya mbere ibi binini bikaba bitazaboneka ku bwinshi.
