Kuri uyu wa Gatatu ibirwa bya Zanzibar byizihije isabukuru y’imyaka 58 ishize habaye impinduramatwara yasize uwari Sultan wa Zanzibar na Guverinoma ye yari yiganjemo Abarabu bahiritswe bagasimburwa n’Abanyafurika.
Ku itariki ya 12 Mutarama mu 1962 ni bwo iyi mpinduramatwara yabaye.
Ibirori byo kwizihiza iriya sabukuru byari biyobowe na Perezida wa Zanzibar Hussein Ali Mwinyi wari kumwe n’ibihumbi by’abanya-Zanzibar bari bateraniye muri Stade ya Amani yubatse mu kirwa cya Unguja.
Perezida Mwinyi yari kumwe na Perezida Samia Suluhu Hassan wa Tanzania cyo kimwe na Minisitiri w’Intebe w’iki gihugu Kassim Majaliwa ndetse n’abandi bayobozi batandukanye.
Akarasisi k’abakomando bo mu gisirikare cya Tanzania (TPDF) n’imbyino gakondo z’amoko atandukanye y’abatuye Zanzibar biri mu byasusurukije biriya birori.
