Pasiteri Aloysius Bugingo, washinze akanayobora itorero, House of Prayer Ministries International (HPMI) ubwo yari ayoboye amasengesho, yarize asaba Imana ko yamurinda abanzi be, ingingo yahujwe n’urubanza afite muri uku kwezi. Mu mashusho aboneka kuri Salt Media, Bugingo agaragara ari ku ruhimbi, aririmba akaririmbo karimo amaganya, yagera hagati akarira, gukomeza kuririmba bikamunanira. Muri iyi ndirimbo ili mu Luganda, Bugingo yumvikana asaba Imana kumurinda ” Ababisha, umvane ahabi.” Bugingo uri gutakambira Imana n’amarira akagwa, we n’umugore we wa Kabiri, Suzan Makula Nantaba, biteganyijwe ko bazitaba urukiko rw’ibanze Entebbe kuwa 21 Mutarama, kuko barezwe n’umunyamategeko, Male Mabirizi Kiwanuka ko bishe amategeko agenga ugushyingirwa mu gihugu. Mu minsi yabanje, Bugingo yasaga n’uwihagazeho, avuga ko Mabirizi ari ” Ingurube ntindi.” Bugingo ashinjwa gushaka umugore wa Kabiri mu gihe atarahabwa gatanya y’uwa Mbere, Teddy Naluswa Bugingo. We ahakana ko yashyingiranywe na Nantaba, ko ibirori byigeze kubaho mu Kuboza 2021, kwari ugusurana gusanzwe.
