Minisitiri w’Ubutegetsi bw’Igihugu, Gatabazi Jean Marie Vianey, kuri uyu wa Kane yasangiye ifunguro rya saa sita n’abanyeshuri b’Urwunge rw’Amashuri rwa Kinihira rwo mu murenge wa Kigeyo w’akarere ka Rutsiro.
Minisitiri Gatabazi ari muri aka karere kari muri turindwi tugize intara y’Uburengerazuba, mu ruzinduko rw’akazi yakagiriyemo kuri uyu wa kane.
Minisitiri w’Ubutegetsi bw’Igihugu yasuye abanyeshuri ba GS Kinihira aherekejwe n’abarimo Meya wa Rutsiro, Murekatete Triphose.
Akarere ka Rutsiro kuri Twitter kavuze ko “Abanyeshuri bo muri GS Kinihira mu murenge wa Kigeyo i Rutsiro bishimiye gusangira na Minisitiri w’Ubutegetsi bw’Igihugu, Bwana Gatabazi JMV.”
Minisitiri Gatabazi kandi yasuye ibikorwa bitandukanye birimo icyicaro cya pariki ya Gishwati-Mukura mu murenge wa Kigeyo, ndetse n’Uruganda rw’ubuki ruri muri kariya karere asobanurirwa imikorere yarwo.
Yasuye kandi ahakingirirwa icyorezo cya COVID-19 mu isantere y’ubucuruzi ya Gakeri, nyuma aganira n’abaturage abashishikariza gukomeza kwitabira gahunda yo kwikingiza.
2 Responses
Rutsiro: Minisitiri Gatabazi yasangiye ibya saa sita n’abanyeshuri
Mu kinyabupfura ntago umuntu arya ahagaze, aba bayobozi ubutaha bazatere agatebe bace bugufi basangire n’abatware babo bicaye hamwe
Rutsiro: Minisitiri Gatabazi yasangiye ibya saa sita n’abanyeshuri
Mu kinyabupfura ntago umuntu arya ahagaze, aba bayobozi ubutaha bazatere agatebe bace bugufi basangire n’abatware babo bicaye hamwe