Ingabo z’u Burusiya ziherutse kwicira ku rugamba umusirikare wa Ukraine w’ipeti rya Colonel, Valeriy Gudz.
Nk’uko igisirikare cya Ukraine kibivuga, Colonel Gudz yiciwe mu Karere ka Luhansk tariki ya 12 Werurwe 2022 ubwo yayoboraga abasirikare basubizaga inyuma Abarusiya bagafashe.
Uyu musirikare wari ufite imyaka 51 y’amavuko yishwe hashize iminsi mike agiye kuri uru rugamba kuko mbere y’uko ingabo z’u Burusiya zinjira muri Ukraine tariki y 24 Gashyantare 2022, yari mu masomo y’abasirikare bakuru.
Umuhango wo kumushyingura wabereye ku ivuko mu Karere ka Boryspil tariki ya 15 Werurwe, uyoborwa n’abasirikare.
