Ingabo za Ukraine zemeje ko zimaze kwica no gukomeretsa iz’u Burusiya nyinshi kurusha iz’Ubumwe bwa Soviet (Soviet Union) ziciwe muri Afghanistan mu myaka 33 ishize.
Hagati y’Ukuboza mu mwaka w’1979 na Gashyantare 1989, abasirikare b’aba-Soviet bari bahanganye n’abo muri Afghanistan bagendera ku matwara y’idini ya Isilamu.
Raporo zivuga ko muri iyi ntambara yamaze imyaka 10, ingabo za Soviet zapfiriyemo n’izakomerekeyemo zari 15,051.
Ingabo za Ukraine zivuga ko muri iyi ntambara yatangiye tariki ya 24 Gashyantare 2022, ingabo z’u Burusiya zimaze gupfira no gukomereka ari 15,300. Iyi mibare ni iyo kugeza ejo tariki ya 22 Werurwe 2022.
U Burusiya ntacyo buvuga kuri iyi raporo y’ingabo za Ukraine.
