Guverinoma y’u Butaliyani yatangaje umusimbura wa Ambasaderi wayo muri Repubulika ya Demukarasi ya Congo (RDC), Luca Attanasio wiciwe muri gurupoma ya Kibumba muri Teritwari Nyiragongo mu mwaka ushize.
Uyu musimbura, Alberto Petrangeli, atangajwe mu gihe hagikorwa iperereza rigamije gutahura abari inyuma y’urupfu rwa Attanasio, ryatangiye ubwo yari amaze kwicwa.
Petrangeli ubwo yari amaze gutangazwa, yashimye icyizere yagiriwe cyo gusimbura Attanasio, yongeraho ko agiye gufatanya na RDC mu gushyira imbaraga muri iri perereza.
Ambasaderi Attanasio yiciwe hamwe n’umurinzi we, Vittorio Locovacci n’umushoferi Mustapha Milambo ubwo bari bavuye i Goma berekeza muri Rutshuru tariki ya 22 Gashyantare 2021.
