Uguterana amagambo kongeye kwaduka hagati ya Pasiteri Wilson Bugembe na mugenzi we, Aloysius Bugingo, amushinja gutumira abaririmba indirimbo zitwa iz’Isi (Secular music) mu gitaramo cye, ‘Katonda Wabanaku Mw’eno Ensonga’ , giherutse guhuruza imbaga. Bugingo avuga ko bitumvikana uko abo bahanzi baje mu gitaramo cyo guhimbaza Imana, akongeraho ko ” Bugembe yapfukamye imbere y’umupfumu, Sofia Namutebi uzwi nka Mama Fiina.” Iki gitaramo cyabaye ku munsi wo kwibuka abihayimana b’i Buganda kuri Hotel Africana mu Mujyi wa Kampala, Bugingo yakibvonyemo inenge nyinshi. Mama Fiiina nk’umwe mu banyacyubahiro, yahaye amamiliyoni Bugembe, ibi Bugingo abibona nk’ubupagani. Ubusanzwe Bugembe ntavuga rumwe na Bugingo kuri iyi ngingo. Asanzwe akora nk’abandi: Exodus, Judith Babirye nabo bajya bataramira no mu tubari n’utubyiniro. Bavuga ko batifuza ko nabo barimbuka, bityo nabo bakwiriye kugerwaho n’ivanjili. Pasiteri Bugembe akunze kuvuga ko Bugingo akunze kuvuga umwanda (gibberish), ko ari indyarya yishushanya.
