Umunyarwanda Hervé Berville yongeye gutorerwa guhagararira agace ka Côtes-d’Armor mu Nteko Ishinga Amategeko mu Bufaransa atsinze Bruno Ricard bari bahanganye ku majwi 55,83 %. Hervé Berville agiye guhagararira ako gace mu Nteko mu myaka itanu iri imbere. Uyu musore w’imyaka 32 ubarizwa mu ishyaka rya Emmanuel Macron uri ku butegetsi, yatsinze Bruno Ricard wagize amajwi 44,17%. Mu 2017 ubwo Hervé yiyamamazaga bwa mbere, yagize amajwi 64, 17 % (angana n’abantu 26 834 bamutoye) mu gihe uwo bari bahanganye Didier Déru yagize amajwi 35, 83 %. Amaze gutorwa, yatangaje ko anezerewe ku bwo gukomeza inshingano yahawe mu myaka itanu ishize, zo guhagararira abaturage.
