Ikipe ya Tottenham Hotspur yo mu gihugu cy’u Bwongereza yemeje ko yamaze gusinyisha umunya-Brésil Richarlson wakiniraga ikipe ya Everton.
Uyu rutahizamu uca ku mpande yasinyiye Everton amasezerano y’imyaka itanu, nyuma yo kumutangaho miliyoni 60 z’ama-Pounds.
Ku wa Gatatu w’iki cyumweru Tottenham yari yatanze miliyoni 40 z’ama-Pounds, gusa Bill Kenwright uyobora Everton ayatera utwatsi.
Byarangiye amakipe yombi yumvikanye miliyoni 50 agomba kwiyongeraho izindi miliyoni 10.
Richarlison yabaye umukinnyi wa kane Tottenham isinyishije muri iyi mpeshyi, nyuma ya Fraser Forster, Ivan Perisic na Yves Bissouma.
Iyi kipe kandi iri mu nzira zo kwegukana myugariro Clement Lenglet igomba gutizwa na FC Barcelona.
