Ikipe ya AS Kigali yamaze gusinyisha rutahizamu Man Yakre Dangmo usanzwe ukinira ikipe y’Igihugu ya Caméroun imupapuye Rayon Sports.
Man Yakre Dangmo yasinye imyaka ibiri yo gukinira iyi kipe y’Abanyamujyi.
Iyi kipe y’umutoza Cassa Mbungo André yamusinyishije nk’umusimbura w’umunya-Nigeria Aboubacar Lawal wamaze kwerekeza muri Vipers yo muri Uganda.
AS Kigali yasinyishije Dangmo imupapuye Rayon Sports bari baramaze kumvikana.
Uyu mukinnyi wari usanzwe akina hagati mu kibuga mu kipe ya Colombe Sportive du Dja et Lobo y’iwabo, byavugwaga ko Rayon Sports izamutangaho Frw miliyoni 10, agasinya amasezerano y’umwaka umwe.
Man-Ykree Dangmo Ngnowa Hapmo w’imyaka 25 y’amavuko, yakiniye Caméroun y’abakina imbere mu gihugu [ya CHAN] imikino itari mike.
Byari biteganyijwe ko muri iki cyumweru ari bwo agomba gusinyira Rayon Sports.
