Perezida wa Repubulika ya Demukarasi ya Congo (RDC), Félix Tshisekedi, ntiyitabira inama ebyiri z’abakuru b’ibihugu bigize umuryango wa Afurika y’iburasirazuba (EAC) zirabera i Arusha muri Tanzania guhera kuri uyu wa 21 Nyakanga 2022.
Ibiro by’Umunyamabanga Mukuru wa EAC bisobanura ko mu nama iraba uyu munsi, abakuru b’ibihugu baraganira ku masezerano y’ishyirwa mu bikorwa ry’isoko rusange rihuza uyu muryango.
Kuri uyu wa 22 Nyakanga 2022, barahurira mu nama isanzwe ya 22 y’abakuru b’ibihugu bigize EAC, yerekeye ku ngingo zitandukanye z’ubufatanye.
Umuvugizi wa guverinoma ya RDC, Patrick Muyaya, mu kiganiro yagiranye n’abanyamakuru kuri uyu wa 20, yasobanuye Perezida Tshisekedi atitabira iyi nama, ahubwo arahagararirwa. Bivugwa ko umuhagararira ari Minisitiri w’Intebe, Jean-Michel Sama Lukonde.
Ni mu gihe uyu Mukuru w’Igihugu araba akiri mu ruzinduko bwite muri Espagne, aho yagiye mu mujyi wa Marbella muri gahunda yo kwivuza nk’uko Muyaya yakomeje abisobanura.
Perezida Tshisekedi ashobora gusubira mu gihugu mu mpera z’iki cyumweru (weekend).
2 Responses
Tshisekedi ntiyitabira inama y’abakuru b’ibihugu bya EAC muri Tanzania
Ururimi rw,ikinyarwanda rusigaye ari ikibazo pe
Tshisekedi ntiyitabira inama y’abakuru b’ibihugu bya EAC muri Tanzania
Ururimi rw,ikinyarwanda rusigaye ari ikibazo pe