Perezida Félix Antoine Tshisekedi wa Repubulika Iharanira Demokarasi ya Congo, yashyingiye imfura ye Fanny Tshisekedi.
Ni umuhango wabereye i Kinshasa kuri uyu wa Gatanu tariki ya 12 Kanama 2022.
Fanny Tshisekedi yasezeranye imbere y’amategeko kubana akaramata; ndetse mu byiza no mu bibi n’umukunzi we witwa Dave Nsimba.
Mu mashusho yagiye hanze, Perezida Tshisekedi na Madamu we Denise Tshisekedi bagaragara bitabiriye ubukwe bw’uriya mukobwa wabo w’imfura.
Aya mashusho agaragaramo n’abandi banya-Politiki bakomeye muri Congo Kinshasa nka Jean-Pierre Bemba, Vital Kamerhe, Samy badibanga, Christophe Mboso n’abandi.
Fanny Tshisekedi washyingiwe ni we mfura ya Perezida Tshisekedi na Madamu we Denise Nyakeru. Akurikirwa n’abandi bana bane barimo Anthony Tshisekedi, Sabrina Tshisekedi, Selena Tshisekedi na Christina Tshisekedi.
