Ikipe ya Rayon Sports byitezwe ko nta gihindutse irara isinyishije Moussa Camara, rutahizamu w’umunya-Mali wigeze kuyikinira mu myaka yashize.
Amakuru avuga ko uyu rutahizamu w’imyaka 28 y’amavuko byitezwe ko kuri uyu wa Gatatu asinya amasezerano y’umwaka umwe nyuma yo kugera i Kigali.
Moussa Camara yakiniye Rayon Sports hagati ya 2016 na 2017, ayivamo yerekeza muri Ismaily Sporting Club yo mu Misiri.
Mu 2018, Camara yerekeje muri MO Béjaïa yo muri Algérie, ayimaramo umwaka umwe mu gihe mu 2020 yasinyiye Sohar SC yo muri Oman.
Kuri ubu nta kipe yari afite nyuma yo gutandukana na Club Sportif de Hammam-Lif yo muri Tunisie yakiniraga mu mwaka ushize.
Uyu rutahizamu wagiriye ibihe byiza muri Rayon Sports yari yifuje kumugarura mu myaka ibiri ishize, agiye kuyizamo asangamo murumuna we witwa Boubacar Traoré.
Uyu rutahizamu wageze i Kigali muri uku kwezi yatangaje ko Camara ari we wamugiriye inama yo kuza muri iyi kipe, n’ubwo kugeza ubu atarashyira umukono ku masezerano.
