Ubuyobozi bw’intara ya Saint Petersburg mu Burusiya bwafashe icyemezo cyo guhagarika kwizihiza ibirori bya Noheli n’umwaka mushya (Ubunani), busobanura ko amafaranga yari azifashishwa azahabwa abari ku rugamba muri Ukraine.
Nk’uko ibiro ntaramakuru by’u Burusiya, TASS, bibisobanura, ubuyobozi bw’iyi ntara bwasohoye itangazo ribisobanura riti: “Mu nama ya Guverineri Alexander Beglov n’abayobozi mu ntara, hafashwe icyemezo cyo guhagarika kwizihiza iminsi mikuru ya Noheli n’umwaka mushya.”
Impamvu y’isubikwa ryo kwizihiza iyi minsi mikuru igira iti: “Amafaranga yose azanyuzwa kuri konti yihariye ya Saint Petersburg azahabwa abakorerabushake n’abaturage bateguwe.”
Muri iyi ntara, umuturage usanzwe wahawe amahugurwa akajya kurwanira u Burusiya yasezeranyijwe ishimwe ringana n’amadolari arenga 1,600. Umukorerabushake usanzwe ufite ubunararibonye ku rugamba we azahabwa iringana n’amadolari arenga 4,800.
2 Responses
St Petersburg mu Burusiya: Amafaranga yari azakoreshwa kuri Noheli n’Ubunani azahabwa abari ku rugamba
Abategetsi b’igitugu bashukisha abaturage ubuhendabana bakoreshe amayeli! Aho kuvugisha ukuri ku mpamvu abanegihugu bajya kurwana intambara mu gihugu kitari icyabo, babumvisha ko hari agahimbazamusyi kari inyuma!! Nonese kuki batavuga impamvu umusilikari yajya kurindira umutekano w’Uburusiya muri Ukraine? Ukraine yigeze irota yateye Uburusiya? Nkeka isomo dukwiye kuvana muri iriya ntambara hagati y’Uburusiya na Ukraine ari uko abasirikari b’Urwanda bakwiye kurinda imipaka y’igihugu cyacu ntibendereze ibindi bihugu. Gufata iyambere wendereza ibindi bihugu bishobora kugira ingaruka zirenze ibyo umuntu yakwirengera! Umuntu ateganya ibye ariko hari ibyo Imana igena tuba tutazi!
St Petersburg mu Burusiya: Amafaranga yari azakoreshwa kuri Noheli n’Ubunani azahabwa abari ku rugamba
Abategetsi b’igitugu bashukisha abaturage ubuhendabana bakoreshe amayeli! Aho kuvugisha ukuri ku mpamvu abanegihugu bajya kurwana intambara mu gihugu kitari icyabo, babumvisha ko hari agahimbazamusyi kari inyuma!! Nonese kuki batavuga impamvu umusilikari yajya kurindira umutekano w’Uburusiya muri Ukraine? Ukraine yigeze irota yateye Uburusiya? Nkeka isomo dukwiye kuvana muri iriya ntambara hagati y’Uburusiya na Ukraine ari uko abasirikari b’Urwanda bakwiye kurinda imipaka y’igihugu cyacu ntibendereze ibindi bihugu. Gufata iyambere wendereza ibindi bihugu bishobora kugira ingaruka zirenze ibyo umuntu yakwirengera! Umuntu ateganya ibye ariko hari ibyo Imana igena tuba tutazi!