Leta y’u Burusiya yahaye igisirikare cya Mali izindi ndege z’intambara zo mu bwoko butandukanye nka Sukhoi-25 zitezweho kugifasha guhangana n’imitwe y’iterabwoba.
Ibiro ntaramakuru by’Abafaransa, AFP, byatangaje ko igisirikare cya Mali cyakiriye indege zirimo Sukhoi-25, Albatros L-39 ndetse na za kajugujugu za Mi-8 kuri uyu wa 19 Mutarama 2023.
Ikinyamakuru Africa News gisobanura ko Sukhoi-25 na L-39 igisirikare cya Mali cyahawe ari umunani (8), kajugujugu za Mi-8 zo zikaba ari ebyiri.
Izi ziyongera ku izindi zirimo Sukhoi-25, Albatros L-39, Mi-8, Mi-24 na Airbus Casa C295 Leta y’u Burusiya yari yarahaye igisirikare cya Mali muri Kanama 2022.
U Burusiya bukomeje gufasha igisirikare cya Mali mu gihe ibitero by’iterabwoba byiyongereye muri iki gihugu kuva Colonel Assimi Goïta yajya ku butegetsi ahiritse babiri bari baburiho.
Soma inkuru yo mu mwaka ushize https://bwiza.com/?Amafoto-Mali-yakiriye-indege-z-intambara-zaturutse-mu-Burusiya
